Opplev lys levande reinsdyr i deira rette element - eller nøy deg med å nyte smaken...

Sjodalen og Gjende er hovudinnfallsporten til Jotunheimen og ynda tumleplass for fjellfolk i alle aldre. Rett ved frukostbordet finn du nasjonalikon som Besseggen, Gjende og Valdresflya, og store turopplevingar som Knutshø, Besshø og Bukkelægeret.

I Reinens rike tek ei perlerad med trivelege fjellstuer vel i mot deg. Vår stoltheit ligg i å servere deg ei fjelloppleving du seint vil gløyme - gjerne krydra med eit levande møte eller ein kulinarisk smak av sjølvaste bygdedyret: Reinen. Vi byr på eit breitt spekter guida turar, leige av friluftsutstyr og det doble høgdepunktet fyrste veka i oktober: Familievenlege Jotunheimen reinsdyrfestival og mat- og musikkhelga Rock 'n' Rein

 

Velkomen til REIN OPPLEVING PÅ NOREGS TAK!

Fyrste veka i oktober blir haustfagre Sjodalen fylt opp med rein mat, rein oppleving, rein turglede og mat- og musikkfesten Rock 'n' rein. Jotunheimen reinsdyrfestival byr kort sagt på rein nytelse ved porten til Gjende, Besseggen og Valdresflya. Gjendebåten går kvar dag under festivalen!

Program for Jotunheimen reinsdyrfestival finn du her. 

Sjekk og ut særskild dagsprogram for avslutningsdagen Rock 'n' Rein. 

 

den mest POPULÆRE fjellturen i NorEG HAR 50.000 vitjande kvar sommar. Er det din tur i år? 

 

Dei  fleste som går Besseggen vel å ta båten frå Gjendesheim til Memurubu, for så å gå Besseggen attende. Dei som er lite svimle av seg går frå Gjendesheim til Memurubu og ned den bratte eggen, før dei tek båten attende eller overnatter på Memurubu. Vel du å gå denne vegen får du den finaste utsikta.

Turen tek normalt 5-7 timer. Meir info om turen på gjende.no

Ta rutebåten inn til hjarta av Jotunheimen - eller heim att frå fjelleventyret

Besseggem, Bukkelægeret, Gjendebu eller Memurubu - tek du båten til eller frå Gjendesheim kan du velje turmål frå aller øvste hylle. I sesongen har Gjendebåten mange daglege avgangar. Rutetide, hamner og turforslag finn du på gjende.no

Har du sett den Gjendin-eggen noen gang? Den er halve milen lang...
— Peer Gynt i Bukkerittet